Апошні дзень Бенедыкта XVI на папскім троне
8- 28.02.2013, 9:30
Сёння Бенедыкт XVI атрымае званне «ганаровы Папа» і пакіне Ватыкан.
Учора ён даў апошнюю аўдыенцыю для вернікаў, піша ВВС. Яна прайшла на плошчы святога Пятра ў Рыме. Выступаючы перад тысячамі паломнікаў, 85-гадовы пантыфік сказаў, што яго папства было цяжкай ношай, але ён быў упэўнены, што Бог яго не пакіне, і адчуваў боскую прысутнасць штодня.
У чацвер Бенедыкт XVI адправіцца на верталёце ў палац Кастэль Гандольфа - у 24 км на паўднёвы ўсход ад Рыма.
Працэс выбараў новага пантыфіка павінен пачацца 4 сакавіка. А канчатковае рашэнне будзе прынята да Вялікадня, які ў гэтым годзе прыпадае на 31 сакавіка.