30 чэрвеня 2015, aўторак, 8:18

Асад просіцца ў Мытны саюз

94

Сірыя хоча ўступіць у Мытны саюз Расеі, Казахстана і Беларусі.

Міністр эканомікі і знешняга гандлю Сірыі Мухамад Зафер Мхабак абмеркаваў з амбасадарам Беларусі ў Дамаску Алегам Ермаловічам двухбаковыя адносіны, у прыватнасці, у сферы эканомікі і гандлю, і шляхі іх умацавання, піша «Рэгнум».

Як паведамляе сірыйскае дзяржаўнае агенцтва SANA, бакі дамовіліся аб працягненні кантактаў з мэтай выканання і актывізацыі дамоўленасцей, падпісаных дзвюма краінамі.

Сірыйскі міністр выказаў надзею на тое, што Менск падтрымае ўступленне Сірыі ў Мытны саюз.

У сваю чаргу, беларускі амбасадар адзначыў прагрэс, дасягнуты ў апошні час у сферах інвестыцый і імпартна-экспартных гандлёвых аперацый, запэўніўшы ў гатоўнасці яго краіны спрыяць падпісанню Сірыяй пагаднення аб свабодным гандлі з Мытным саюзам.

падзяліцца