«Кастрычніцкая» і «Купалаўская» закрытыя для пасажыраў
67- 15.03.2013, 18:37
Цягнікі метро не спыняюцца на станцыях «Кастрычніцкая» і «Купалаўская».
Прыкладна а 18.10 праз гучную сувязь было абвешчана, што яны не працуюць, паведамляе «Наша Нiва». Пасажыраў перасталі пускаць, а эскалатары адключылі. Людзей, якія знаходзіліся на платформе, вывелі на вуліцу.
Нагадаем, з-за снежнай віхуры грамадскі транспарт у беларускай сталіцы практычна не працуе. Рух у цэнтры горада паралізаваны. Метро заставалася адзіным даступным для менчукоў сродкам перамяшчэння.
Як доўга будуць закрытыя для пасажыраў станцыі «Кастрычніцкая» і «Купалаўская» пакуль невядома.
Дасылайце свае фота і відэа таго, што цяпер адбываецца ў Менску праз снегавую віхуру на charter97media@gmail.com
Фота Юліі Дарашкевіч