У АГП скралі бел-чырвона-белы сцяг
9- 27.03.2013, 12:21
Сцяг круглыя суткі лунаў з 23 сакавіка на 17-м паверсе будынка па вуліцы В. Харужай, 22, у якім знаходзіцца офіс партыі.
Але 26 сакавіка супрацоўнікі офіса зафіксавалі, што сцяг дзіўным чынам знік, паведамляе прэс-служба Аб'яднанай грамадзянскай партыі.
«Хутчэй за ўсё, да палотнішча маглі дабрацца з паверху, які знаходзіцца над нашым офісам», - заявіла намеснік старшыні АГП Антаніна Кавалёва.
Звяртацца ж у праваахоўныя органы АГП не збіраецца.
«Бессэнсоўна, - кажа Кавалёва. - Бо 24 сакавіка менавіта прадстаўнікі сілавых структур забралі і фактычна скралі ў Змітра Кавалгіна галоўны сцяг, які неслі на шэсці ў Дзень Волі».
Фота: photo.bymedia.net