За суткі ў Беларусі тройчы гарэлі аўтацягнікі

За мінулыя суткі супрацоўнікі МНС 3 разы выязджалі на тушэнне грузавых аўтамабіляў.

3 сакавіка ў 08-16 па лініі «101» паступіла паведамленне пра загаранне грузавога аўтамабіля па адрасе: Менскі раён, вёска Лугавая Слабада. Па прыбыцці да месца выкліку падраздзяленняў МНС было ўстаноўлена, што гараць два грузавых аўтамабіля на адкрытай пляцоўцы «Менскай агародніннай фабрыкі». У выніку пажару выгарэлі кабіны лесавоза «Сканія» і бартавога «МАЗа». Меркаваная прычына пажару - парушэнне правілаў эксплуатацыі электрасетак і электраабсталявання (кароткае замыканне электраправодкі аўтамабіля «Сканія»), паведамляе прэс-служба МНС.

У гэты ж дзень увечары ў МНС паступіла паведамленне пра загаранне грузавога аўтамабіля з паўпрычэпам па адрасе: Бераставіцкі раён, пасёлак Памежны. Супрацоўнікамі МНС па прыбыцці было ўстаноўлена, што гарыць грузавы аўтамабіль «DAF» з паўпрычэпам. Аўтамабіль належыць польскай фірме. Кіроўца рухаўся ў горад Калуга, перавозіў аўтамабільныя запчасткі. У выніку пажару тавар, які перавозіцца, часткова знішчаны. Гэтак жа пашкоджаны сам аўтамабіль і паўпрычэп. Прычына пажару ўстанаўліваецца.

4 сакавіка ноччу аўтамабіль гарэў у Менску па вуліцы Прамысловай. У ходзе выведкі работнікамі МНС было ўстаноўлена, што на адкрытай аўтастаянцы тэрыторыі мытнага тэрмінала адбылося загаранне кабіны, маторнага адсека, тэнта грузавога аўтамабіля IVECO. У выніку пажару пашкоджанае лакафарбавае пакрыццё кабіны побач стаячага грузавога аўтамабіля DAF і пакрыццё кабіны і тэнт паўпрычэпа суседняга грузавога аўтамабіля «МАЗ». У кабіне палаючага аўтамабіля ратавальнікі знайшлі загінулага (асоба высвятляецца). Прычына пажару высвятляецца, адзначылі ў прэс-службе.