Улады Венесуэлы: Здароўе Чавэса пагоршылася

Правадыр Венесуэлы пакутуе ад вострай рэспіраторнай інфекцыі, якая ўзнікла пасля снежаньскай аперацыі.

Пры гэтым улады краіны прызнаюць, што агульны стан правадыра дзяржавы далей заставацца вельмі кепскім, паведамляе ВВС.

Міністр сувязі і інфармацыі Венесуэлы Эрнэста Вільегас паведаміў, што ў Уга Чавэса «пагоршылася дыхальная функцыя».

Ён нагадаў, што правадыр Венесуэлы цяпер праходзіць новы і вельмі моцны курс хіміятэрапіі пасля працяглага лячэння на Кубе.

Мяркуецца, што ў Чавэса, які кіруе Венесуэлай ўжо 14 гадоў, рак прастаты.

Апошняя аперацыя была зробленая Чавэсу 11 снежня, з тых часоў яго ні разу не паказалі ў эфіры тэлебачання.

Улады толькі распаўсюдзілі ягоныя фатаграфіі, з выявай у палаце гаванскай клінікі з дочкамі.

У панядзелак сотні студэнтаў і прадстаўнікоў апазіцыі ў Каракасе выйшлі на дэманстрацыю з патрабаваннем дакладнай інфармацыі пра здароўе прэзідэнта Венесуэлы.