Харватыя ўхіліла астатнюю перашкоду на шляху ў ЕЗ

Харвацкія ўлады дамовіліся са Славеніяй аб урэгуляванні 20-гадовай спрэчкі аб сплаце запазычанасці Любляны перад Загрэбам.

Азначаная акалічнасць з'яўлялася астатняй перашкодай для ўступу Харватыі ў Еўразвяз, піша РБК.

«Ніякіх перашкод не засталося, мы разам ідзем у Еўразвяз», - напісаў у мікраблогу Twitter прэм'ер-міністр Харватыі Зоран Міланавіч.

Кіраўнік урада Славеніі Янэз Янша абвясціў напярэдадні, што стораны падпішуць адпаведнае пагадненне аб спыненні спрэчкі 11 сакавіка 2013г. Чакаецца, што яно будзе ратыфікаванае на працягу месяца.

Аб’ектам спрэчкі быў капітал у суме 700 млн еўра плюс адсоткі, змешчаны харвацкімі ўкладчыкамі. Грошы захоўваліся на рахунках былога Ljubljanska Banka (LB), рахункі былі адкрытыя яшчэ за часам адзінай Югаславіі. Цяпер краіны абавязаліся ўрэгуляваць спрэчку пры спрыянні базаванага ў Швайцарыі Банка міжнародных разлікаў.

Загрэб мае намер скасаваць свой пазоў супраць славенскага банка LB. Тым часам парламэнт Славеніі разачнецца з працэдурай ратыфікацыі ўмовы аб уступе Харватыі ў Еўразвяз. Такім чынам, Харватыя можа ўвайсці ў склад арганізацыі ўжо з 1 ліпеня 2013г.