Падазраваны ў бостанскім тэракце забіты

Падазраваны ў здзяйсненні тэракту на Бостанскім марафоне забіты ў ходзе перастрэлкі ў горадзе Уотэртаўн пад Бостанам.

Раней паведамлялася, што яго ўзялі пад варту. Змоўшчык забітага пакуль застаецца на волі, піша lenta.ru.

Перастрэлка ў Уотэртаўне адбылася неўзабаве пасля забойства ў суседнім Кембрыджы супрацоўніка паліцыі, які патруляваў тэрыторыю кампуса Масачусецкага тэхналагічнага інстытута (MIT). Паведамлялася, што ён спрабаваў затрымаць згоншчыкаў.

Пра тое што затрыманы ў Уотэртаўне звязаны з тэрактам у Бостане, паведаміла газета The Boston Globe са спасылкай на крыніцу ў праваахоўных органах. У ФБР гэтыя звесткі не пацвердзілі, але і не абверглі.

Другі ўдзельнік перастрэлкі, якога неафіцыйна таксама лічаць датычным да выбухаў, здолеў схавацца. Яго пошукі вядуцца альбо ў Уотэртаўне, альбо ў размешчаным на захад Ньютане.

Неўзабаве пасля паведамлення аб затрыманні аднаго з падазраваных стала вядома пра выяўленне на месцы перастрэлкі выбухоўкі і хуткаварак. Бомбы, якія падарваліся раней у Бостане, былі сабраныя менавіта з гэтых кампанентаў.

У выніку тэракту падчас Бостанскага марафону 15 красавіка загінулі тры чалавекі, у тым ліку дзіця, раненні атрымалі амаль 200 чалавек. ФБР ужо апублікавала фатаграфіі меркаваных тэрарыстаў.

Фота: AP