У Чарнагорыі выбіраюць прэзідэнта краіны
4- 7.04.2013, 16:55
У Чарнагорыі праходзяць прэзідэнцкія выбары - другі раз з тых часоў, як краіна ў 2006 годзе здабыла незалежнасць, адлмежаваўшыся ад Сербіі.
На пасаду кіраўніка дзяржавы прэтэндуюць дзеючы прэзідэнт Філіпа Вуянавіч і былы дыпламат Міядраг Лекіч, паведамляе ВВС.
Прадстаўнік Дэмакратычнай партыі сацыялістаў Чарнагорыі Вуянавіч актыўна выступае за ўступленне краіны ў ЕЗ і НАТА.
Апазіцыйны кандыдат Лекіч заклікае праводзіць больш незалежную палітыку ў дачыненні да Захаду. Адзін з яго галоўных лозунгаў - выкараненне карупцыі ва ўладзе.
У перадвыбарных апытаннях грамадскай думкі Вуянавіч упэўнена апярэджваў Лекіча, хоць апаненты абвінавачваюць дзеючага прэзідэнта ў несамастойнасці і сцвярджаюць, што ён ва ўсім падпарадкоўваецца ўказам прэм'ер-міністра краіны Міла Джукановіча.
