Панядзелак перад Радаўніцай будзе працоўным

У гэтым годзе Дзень Перамогі, як і Радаўніца, прыпадае на буднi дзень.

Яшчэ ў канцы 2012-га ўрад прыняў пастанову, згодна з якой працоўны дзень пераносіцца з пятніцы, 10 траўня, на суботу, 18 траўня. А што з панядзелкам, 13 траўня?

На жаль, шасцідзённых выходных чакаць не варта, піша onliner.by.

«Інфармацыя аб усіх пераносах змяшчаецца ў пастанове № 1000 ад 2 лістапада 2012 года, - паведамілі ў прэс-службе ўрада. - Якіх-небудзь удакладненняў у выглядзе асобнай пастановы не плануецца. Таму з 9 па 12 траўня будуць выходныя, 13 траўня - працоўны дзень, а 14 траўня - зноў выходны».

Нагадаем, выходным у траўні таксама будзе серада, 1 траўня.