Пад Менскам ліхач знёс слуп і ўрэзаўся ў прыпынак
13- 17.05.2013, 16:55
Сур'ёзнае ДТЗ адбылося сёння днём пад Менскам.
«Страшная аварыя пад Менскам па трасе M6. Легкавік збіў слуп на прыпынку. Машына ўсмятку», - напісаў карыстальнік Twitter julja2185.
Як паведамляюць відавочцы, у ДТЗ трапіў Opel Omega, удар прыйшоўся па кіроўчаму боку. Малады чалавек, які знаходзіўся за рулём, атрымаў сур'ёзныя траўмы, а пасажырка не пацярпела. Як сцвярджаюць аўтамабілісты, якія бачылі машыну за некалькі секунд да аварыі, кіроўца на вялікай хуткасці апярэджваў спадарожныя машыны, піша onliner.by.
