Антон Пуціла: Зарплаты беларускіх футбалістаў хапае толькі на ежу
52- 3.05.2013, 11:59
Усе лепшыя беларускія гульцы імкнуцца з'ехаць у Расею.
Паўабаронца «Волгі» і зборнай Беларусі Антон Пуціла распавёў, чаму беларускія футбалісты з'язджаюць у расейскі чэмпіянат.
Футбаліст даў інтэрв'ю афіцыйнаму сайту ніжагародскага клуба.
- Зарплаты маладых футбалістаў у Беларусі дазваляюць жыць на шырокую нагу?
- Не, зарплаты чыста сімвалічныя. Хапае толькі на харчаванне. Мы стараліся хутчэй развівацца, каб пачаць зарабляць больш.
- Гэта значыць, мэта ў беларускіх гульцоў - пакінуць родны чэмпіянат?
- Вядома, многія хочуць з'ехаць. Расейскі чэмпіянат мацней па ўзроўні, ніхто не хавае, што тут можна добра зарабіць. Усе лепшыя беларускія гульцы імкнуцца замацавацца ў Расеі.
Нагадаем, многія беларускія футбалісты месяцамі не могуць атрымаць зарплату з-за фінансавых праблем клубаў.