Папе Рымскаму падаравалі Harley-Davidson і «касуху»
20- 14.06.2013, 15:40
- 29,856
Кампанія Harley-Davidson падаравала Папе Рымскаму Францыску два сваіх матацыкла і фірмовую скураную куртку.
Прэзент прымеркаваны да сходу байкераў, які пройдзе ў Рыме 14-16 чэрвеня, паведамляе італьянскае агенцтва ANSA. Мяркуецца, што ў суботу яны зладзяць масавы мотапрабег па сталіцы Італіі, праехаўшы і міма Ватыкана, паведамляе РБК.
Уладальнікі Harley-Davidson наведаюць масавую нядзельную малітву «Анёл Гасподні», якую Папа Францыск правядзе на плошчы Святога Пятра. Адзначым, што ў гэтую ж нядзелю каталіцкія вернікі святкуюць апублікаванне энцыклікі Папы Яна Паўла II Evangelium Vitae, якая асудзіла любы гвалт над чалавечым жыццём, уключаючы аборты і эўтаназію.
Напярэдадні тысячы байкераў прыбылі ў Осцію - прыморскі раён Рыма. Каб размясціць усіх матацыклістаў, якія жадаюць прыняць удзел у мерапрыемстве, паліцыі горада прыйшлося перакрыць участак узбярэжжа даўжынёй каля кіламетра.
Адзначым, што масавая акцыя байкераў прымеркаваная да 110-годдзя выпуску першага класічнага матацыкла. Амерыканская кампанія Harley-Davidson была заснавана ў 1903г. сябрамі дзяцінства Уільямам С. Харлі і Артурам Дэвідсанам. У гэтым жа годзе яны сканструявалі першы матацыкл у сучасным разуменні гэтага слова.