Велікабрытанія рассакрэціла 700 дакументаў аб НЛА

Брытанскі ўрад рассакрэціў сотні матэрыялаў пра НЛА, якія на іх думку, уладам больш не спатрэбяцца.

Мінабароны, якое займалася вывучэннем неапазнаных лятучых аб'ектаў, вырашыла паказаць публіцы матэрыялы для таго, каб яна пераканалася асабіста: прышэльцаў не існуе і яны не могуць прадстаўляць ніякай пагрозы. Дакументы даступныя на сайце Мінабароны краіны.

Апублікавана больш за 25 тэчак, якія змяшчаюць больш за 700 дакументаў аб НЛА за перыяд назірання з 2007 па 2009 гады. Яны ўяўляюць сабой паведамленні людзей, якія сталі «відавочцамі» дзіўных з'яў. Адно з найбольш арыгінальных належыць дзіцяці, які піша, што ён бачыў падазроныя агні ў небе, і прымацоўвае малюнак іншапланецяніна, які махае рукой з касмічнага карабля, піша NEWSru.com

Сярод іншых - паведамленне ад англічаніна, які нібыта жыве з прышэльцам ужо некалькі гадоў, і мужчыны, які сцвярджае, што іншапланецяне выкралі яго сабаку, машыну і палатку падчас паходу. Сустракаюцца запісы пра тое, што НЛА бачылі над будынкам Парламента і ў раёне знакамітага Стоўнхэнджа, перадае BBC.

«Я спадзяюся, «сакрэтныя матэрыялы» павяселяць чытачоў, таксама, як і нас некалі», - сказаў былы супрацоўнік спецаддзела Нік Поўп.

Расследаваць выпадкі, якія сведчылі пра існаванне НЛА, брытанскі ўрад пачаў у 1952 годзе. За гэты час больш усяго заяў пра ўварванне прышэльцаў паступіла ў 1978 годзе (750 паведамленняў), калі ў кінатэатрах быў паказаны фільм Стывена Спілберга «Блізкія кантакты трэцяй ступені» пра дзіўныя з'явы.

Другі пік прыйшоўся на 2009 год - тады ведамства апрацавала больш за 640 званкоў і лістоў. Большая частка з іх ўтрымлівала інфармацыю пра зіхатлівыя аб'екты, якія парылі ў небе. У адным з паведамленняў, напрыклад, гаварылася пра тое, што ў небе нешта «свяцілася як анёл».

Эксперты звязалі рост скаргаў у 2009 годзе з папулярнасцю кітайскіх ліхтарыкаў.

«Многія запісы аб нябесных аб'ектах дзіўнай формы і памяранцавага колеру апісваюць кітайскія ліхтарыкі, хоць сам сведка іх не пазнае», - сказаў Дэвід Кларк, аўтар кнігі «Дакументы аб НЛА», заснаванай на ранейшых даследаваннях Мінабароны.

Па заяве Мінабароны, большасць паведамленняў аб НЛА маюць лагічнае тлумачэнне, і толькі частка з іх да гэтага часу не разгаданая. Сярод іх, напрыклад, заявы ад паліцэйскіх і лётчыкаў, перадае Sky News.

Але нягледзячы на рост колькасці паведамленняў аб іншапланецянах, у 2010 годзе Мінабароны Брытаніі расфармавала спецыяльнае падраздзяленне, якое займалася вывучэннем гэтых заяў. У ведамстве вырашылі, што за больш чым паўстагоддзя назіранняў за НЛА не было выяўлена нічога, што сведчыла б пра існаванне НЛА.