Цуды арыфметыкі на беларускай мытні

За майку, набытую ў замежнай інтэрнэт-краме, мытня налічыла пошліну роўную кошту тавару.

Пра гэта charter97.org паведаміў чытач сайта.

«Я купляю ў замежных інтэрнэт-крамах якое-небудзь барахлішка. Раблю гэта зрэдку і на малыя сумы. На гэты раз купіў стыльную майку за 10 даляраў. У нас, на жаль, можна на гэтыя грошы купіць толькі пару «алкагалічак». Але вось сквапнасць мытных органаў проста дзівіць. Толькі за тое, што я купіў якасны прадукт за межамі радзімы, мытня налічыла пошліну на 84 530 рублёў, што практычна адпавядае кошту тавару з улікам перасылкі», - абураецца чытач.

Нагадаем, нядаўна чытач нашага сайта паведамляў пра тое, як мытнікі вымагалі ў яго 1 500 даляраў за пасылку.