У Менску бетоназмешвальнік МАЗ скамячыў легкавік (Фота)

Кіроўца забыўся паставіць на ручны тормаз бетонамяшалку, і яна змяла Mitsubishi.

На сталічнай вуліцы Клары Цэткін на адной з будпляцовак стаяў МАЗ-бетоназмяшальнік.

Кіроўца выйшаў з машыны, мабыць, забыўшыся скарыстацца ручным тормазам. Пры гэтым ён не ўлічыў, што цяжкая бетонамяшалка стаяла на горцы, піша onliner.by.

МАЗ павольна выкаціўся на вуліцу, знясучы на шляху дрэва, і ўрэзаўся ў прыпаркаваны Mitsubishi. Практычна ўся задняя частка легкавіка апынулася скамячанай.