Дэвід Макей: «Калі вы сябе паводзіце як футбалісты «Менска», не гуляйце ў футбол»

Капітан «Сэнт-Джонстана» Дэвід Макей расчараваны паразай ад «Менска» ў 3-м кваліфікацыйным раўндзе Лігі Еўропы, а таксама вельмі незадаволены паводзінамі беларускай каманды.

«Прайшлі «Русенборг», а затым прайгралі такой камандзе... Вельмі расчараваныя.

«Менск» не быў лепш нас, і мы павінны былі перамагаць. Проста абавязаныя былі пахаваць іх у асноўны час, ды і ў дадатковы таксама. У другі дзень мы змаглі б забіць тры ці чатыры галы.

Саступілі ў серыі пенальці, але гэта, самі разумееце, латарэя. Мы дрэнна прабівалі пенальці, у тым ліку і я, і гэта каштавала нам выхаду ў наступны раўнд.

Але паводзіны футбалістаў «Менска» выклікалі агіду. Гэта каманда не такога класа як «Русенборг» - як на полі, так і за яго межамі. Але яны прайшлі ў наступны раўнд, а мы не. Нам павінна быць сорамна. Будзе цікава паглядзець, што з «Менскам» здарыцца ў наступным раўндзе.

Адзін з футбалістаў «Менска» правакаваў нашых хлопцаў. Не разумею такую ​​рэакцыю. Нельга было сябе так паводзіць. Яны прайшлі ў наступны раўнд, трэба было проста адсвяткаваць перамогу з таварышамі па камандзе. Навошта сябе так паводзіць? Па крайняй меры, ён прапусціць наступны матч.

Пасля матчу футбалісты «Менска» не паціснулі нам рукі, дарэчы, як і пасля першага матчу ў Беларусі. Калі вы сябе так вядзеце - не гуляйце ў футбол», - цытуе Макея The Scottish Sun.

Адзначым, што артыкул у The Scottish Sun, прысвечаны матчу «Сэнт-Джонстан» - «Менск», называецца «ФК Фарш» (англ. - «FC Mince»).