Пад Віцебскам бульдозер падарваўся на снарадзе
20- 12.08.2013, 11:33
- 31,898
Боепрыпас часоў Вялікай айчыннай вайны выбухнуў на поле каля пасёлка Забалоцінка Віцебскага раёна 9 жніўня.
Як высветлілася, на снарад наехаў бульдозер, які праводзіў земляныя работы ў 12 метрах ад чыгуначнага палатна на перагоне Лучоса. Снарад выбухнуў, выбіўшы лабавое шкло і пашкодзіўшы рыдлёўку бульдозера, паведамляе прэс-служба МНС.
Пацярпелых няма. Рух цягнікоў на гэтым участку не спыняўся.
Для агляду і размінавання на месца здарэння выязджала група размінавання з вайсковай часткі.
