Ладуцька загадаў «зачысціць» Менск ад бабуль з кропам

Кіраўнік Менгарвыканкама супраць продажу грамадзянамі вырашчанай на лецішчах прадукцыі.

Па дадзеных падатковых органаў, у Менску сёння налічваецца 25 такіх рынкаў.

«Усё гэта не ўпрыгожвае горад. Праз гэтыя 25 месцаў праходзяць амаль 1 млн. чалавек, у іх свядомасці можа сфармавацца ўсёдазволенасць, разуменне таго, што органы ўлады не ўмеюць або не хочуць рэагаваць на супрацьзаконныя факты», - растлумачыў сваё абурэнне Ладуцька.

На яго думку, несанкцыянаваны гандаль з'яўляецца недаглядам як эканамічнага, так і сацыяльнага характару, перадае АФН.

Ён даручыў падатковым органам сумесна з «МУС навесці парадак у гэтых месцах».

«Тое, што чалавек сам вырасціў і прадае, у тым ліку закаткі, - гэта адно. А незарэгістраваны від прадпрымальніцкай дзейнасці неабходна жорстка спыняць. У барацьбе павінны быць задзейнічаныя раённыя адміністрацыі, упраўленне гандлю, галоўнае ўпраўленне ўнутраных спраў, падатковыя інспекцыі», - запатрабаваў Ладуцька.

Раней нагадаем, скандал выклікаў выпадак у Пінску, дзе ў зачыстцы рынку ад стыхійных гандляроў удзельнічаў АМАП. Сталых людзей збівалі і затрымлівалі з ужываннем сілы.

Фота: bymedia.net