П'яны ліхач збіў святлафор у Менску

ДТЗ адбылося ўчора ўвечары на скрыжаванні вуліц Жыновіча і Калеснікава.

Паводле папярэдніх звестак ДАІ, пры павароце налева кіроўца (1956 г. н.) не справіўся з кіраваннем, выехаў на раздзяляльную паласу і збіў святлафор. А пасля гэтага, па словах відавочцы, паспрабаваў схавацца, піша onliner.by.

«Спрабаваў выехаць, але не атрымлівалася (заехаў на яго моцна). Мясцовыя прыкладна ў такім жа стане спрабавалі дапамагчы і з абурэннем глядзелі на нас з фразай «А можа без даі?». Потым прапаноўвалі кіроўцу «сысці». Але той зноў завёў аўто і спрабаваў выехаць. Я, не застаўшыся абыякавым, папрасіў заглушыць і дастаць ключы. Уласна п'яны дзядзька не супраціўляўся. Праз пару хвілін пад'ехала ДАІ», - распавёў сведка аварыі.

У ДАІ Фрунзенскага раёна паведамілі, што ніхто кіроўцу Hyundai не перашкаджаў - ён банальна не справіўся з кіраваннем. А прывяло да ДТЗ менавіта алкагольнае ап'яненне. Вінаваты аварыі распавёў, што ехаў з гаража дадому.

«На медаглядзе ў яго паказала 1,82 праміле, - распавялі інспектары. - У сакавіку мінулага года мужчына ўжо трапляў у «п'янае» ДТЗ, аднак пасведчанне не здаў. Яно лічыцца несапраўдным. Таму ў дачыненні да яго таксама будзе складзены пратакол за язду без правоў».

Зараз па артыкуле 18.16 Кодэкса аб адміністрацыйных правапарушэннях яму пагражае штраф ад 50 да 100 базавых велічынь з пазбаўленнем правоў на тры гады.