Пад Полацкам разбіўся пасажырскі аўтобус
2- 21.08.2013, 13:05
- 16,641
У салоне знаходзіліся 12 чалавек, 9 з іх пацярпелі.
Як паведамляе прэс-лужба МНС, паводле папярэдняй версіі, кіроўца рэйсавага аўтобуса «ГАРЗ-А092 «Радзіміч» не справіўся з кіраваннем, з'ехаў у кювет і ўрэзаўся ў дрэва. У выніку ён апынуўся заблакаваным у транспартным сродку.
На момант аварыі ў аўтобусе знаходзілася 12 чалавек. 8 пасажыраў атрымалі траўмы рознай ступені цяжкасці, аўтобус пакінулі самастойна. Брыгадамі хуткай медыцынскай дапамогі пацярпелыя былі шпіталізаваныя.
Работнікамі МНС дэблакаваны кіроўца 1955 года нараджэння. Мужчына з дыягназамі «закрытыя пераломы пальцаў» быў шпіталізаваны.
Разгляд па факце ДТЗ праводзіцца работнікамі аддзялення ДАІ.