Сто польскіх байкераў прыехалі ў Курапаты
18- 29.08.2013, 21:02
- 19,086
Байкеры з Польшчы праехалі па памятных мясцінах на тэрыторыі Беларусі, якія звязаныя са сталінскімі рэпрэсіямі.
Нягледзячы на тое, што апошнім пунктам рэйду з'яўляецца мэмарыял Катынь у Смаленскай вобласці, адной з яго мэтаў была падрыхтоўка да 1050-годдзя хрышчэння Польшчы. Пра гэта «Радыё Рацыя» распавёў кіраўнік акцыі Лешэк Рысак.
«У сувязі з падрыхтоўкай да гэтых угодкаў мы будзем ездзіць па мясцінах бітваў, у якіх польскія рыцары і жаўнеры абаранялі асновы хрысціянства. Сёлета «Катынскім рэйдам» едзем да Вены шляхам караля Яна III», - кажа ён.
За 2 дні, якія правялі ў Беларусі ўдзельнікі «Катынскага рэйду», яны наведалі памятныя мясціны ў Лідзе, Багданаве, Курапатах і Хатыні. У прабегу бяруць удзел блізу сотні матацыклістаў.