Канадскі алімпіец рыхтуецца да Сочы ў Менску

Чэмпіён свету па канькабежным спорце Джэрэмі Уотэрспун праводзіць трэніроўкі ў беларускай сталіцы.

Амаль тры гады ён правёў па-за спаборніцтвамі, а ў чэрвені раптам абвясціў пра вяртанне ў вялікі спорт і намер удзельнічаць у Алімпійскіх гульнях у Сочы. Незадоўга да ад'езду, калі ў замежных гасцей быў дзень адпачынку, журналісты «Прессбола» пагаварылі з Джэрэмі Уотэрспунам аб алімпійскіх надзеях, трэнерскай працы і планах на будучыню.

- Джэрэмі, як даўно нарадзілася ідэя рыхтавацца да Сочы ў Менску?

- Канчатковае рашэнне прынялі ў ліпені. Цяпер для мяне Менск - ідэальнае месца для трэніровак: амаль два тыдні штодзённых заняткаў. Зусім хутка пачнуцца спаборніцтвы, таму на рахунку кожная гадзіна, праведзеная на лёдзе. Чым бліжэй сезон, тым заняткі на катку становяцца больш складанымі.

- «Менск-Арэна» моцна адрозніваецца ад каткоў у Калгары, Інцэлі?

- Інцэль сам па сабе вельмі маленькі горад з насельніцтвам у чатыры тысячы чалавек, так што адрозненні кардынальныя. А ў Калгары каток можа быць прама на тэрыторыі ўніверсітэта. У Канадзе, як і ў вас, вельмі развітае масавае катанне на каньках.

- Якія ўражанні ад Менска?

- Горад падабаецца. Жылі ў цэнтры, мелі добрую магчымасць назіраць за тым, як і чым дыхае сталіца Беларусі. Пакаталіся на грамадскім транспарце, зараз сядзім з вамі ў кафэ, напрыканцы пройдземся па крамах. Цікава мець зносіны з людзьмі, але большую частку часу займаюць трэніроўкі на «Менск-Арэне». Яна ўражвае сваімі маштабамі і магчымасцямі забяспечваць трэніравальны працэс камандам любога ўзроўню.

- Ці павязеце што-небудзь з сабой у якасці сувеніра?

- Мне вельмі спадабаліся глазураваныя сыркі, і шакалад ў вас смачны.