«Беларусбанк» рэзка павысіў стаўкі па крэдытах

Дзяржаўны «Беларусбанк» рэзка павысіў адсоткавыя стаўкі па крэдытах на будаўніцтва жылля для маючых патрэбу.

Паводле інфармацыі на сайце банка, з сённяшняга дня кошт такіх крэдытаў складае 38,5% гадавых (стаўка рэфінансавання плюс 15%), піша АФН.

Яшчэ на мінулым тыдні банк дэклараваў стаўку на 28,5% (стаўка рэфінансавання плюс 5%). Такім чынам, крэдыты на будаўніцтва жылля для маючых патрэбу набылі забаронны характар.

Рашэнне аб павышэнні ставак абумоўленае дэфіцытам рублёвай ліквіднасці і высокімі адсоткавымі стаўкамі на міжбанку. І хоць Нацбанк РБ ўжо дэ-факта вызваліў «Беларусбанк» і два іншых дзяржбанкі ад выканання патрабаванняў банкаўскага заканадаўства (выкананне нарматываў ФАР), гэтыя банкі па-ранейшаму адчуваюць складанасці з ліквіднасцю. Уключаць жа друкавальны станок, беларускія ўлады па-ранейшаму асцерагаюцца пасля паказальнага 2011 года.