Гідраметэацэнтр абвясціў аранжавы ўзровень небяспекі

У асобных раёнах рэспублікі прагназуюцца замаразкі.

У бліжэйшыя суткі, 27 верасня, у Беларусі чакаецца воблачнае з праясненнямі надвор'е. Пра гэта паведамілі БелТА ў Рэспубліканскім гідраметэацэнтры.

Ноччу ў заходніх і цэнтральных раёнах, днём на большай частцы тэрыторыі пройдуць кароткачасовыя дажджы. Вецер заходні 4-9 метраў за секунду, днём парывы да 12-14 метраў у секунду.

Тэмпература паветра ўначы складзе 1-5 градусаў цяпла. У асобных раёнах рэспублікі, а па Віцебскай і Магілёўскай абласцях на значнай частцы тэрыторыі на глебе і месцамі ў паветры прагназуюцца замаразкі да 0 - мінус 3 градусаў. Тэмпература днём складзе 6-11 градусаў цяпла.

Па Віцебскай, Магілёўскай, Гомельскай і па ўсходзе Менскай вобласці сіноптыкі адзначаюць аранжавы ўзровень небяспекі.