Лукашэнка ляціць у Казахстан

Беларускі кіраўнік наведае Казахстан з афіцыйным візітам.

3-4 кастрычніка Нурсултан Назарбаеў правядзе двухбаковыя перамовы з Аляксандрам Лукашэнкам, які прыбывае з афіцыйным візітам, паведамляе афіцыйны сайт прэзідэнта РК.

На перамовах яны закрануць «пытанні паглыблення двухбаковага супрацоўніцтва ў гандлёва-эканамічнай і індустрыяльна-інавацыйнай сферах, а таксама прамысловай кааперацыі ў аграпрамысловым комплексе».

Таксама будзе абмеркаваны ход развіцця інтэграцыйных працэсаў на постсавецкай прасторы, у першую чаргу, у рамках МС і АЭП. Акрамя таго, плануецца падпісанне сумеснай заявы і шэрагу двухбаковых дакументаў.