Адміністрацыя Лукашэнкі: Беларусам трэба жыць па сродках
362- 11.01.2014, 15:39
- 200,999
Вучыць гэтаму жыхароў краіны будуць ідэолагі.
Такую задачу перад імі паставіў першы намеснік кіраўніка адміністрацыі Лукашэнкі Аляксандр Радзькоў. З яго слоў, ва ўмовах жорсткай канкурэнцыі на рынку і новых эканамічны рэалій жыхарам краіны трэба навучыцца жыць па сродках і шанаваць тое, што яны ўжо маюць. Пра гэта Радзькоў заявіў на семінары ідэалагічных работнікаў вобласці ў Магілёве, перадае БелТА.
«У нас ніколі раней не было столькі магчымасцяў для самарэалізацыі: атрымаць добрую адукацыю, высокааплатную працу, адкрыць свой бізнэс і г.д. Але мяне заўсёды дзівіць нежаданне людзей працаваць і зарабляць грошы, пры тым, што многія з нас маюць завышаныя патрабаванні да ўзроўню жыцця і асабістага дабрабыту. Мы хочам атрымаць ад жыцця адразу і ўсё, але не заўсёды разумеем, што для гэтага трэба працаваць і пастаянна павышаць свой прафесіяналізм у любой справе», - сказаў ён.
Задача ідэолагаў на сучасным этапе - вярнуць людзей у рэаліі сённяшняга дня, паставіць у такія ўмовы, калі кожны павінен зарабляць грошы сваёй працай і розумам і плаціць у поўнай меры за тое, што мае, мяркуе Аляксандр Радзькоў.