Канцэрт OneRepublic у Менску пераносіцца
2- 24.01.2014, 11:54
- 2,844
Менскі канцэрт OneRepublic пераносіцца амаль на год.
Канцэрт папулярнага амерыканскага гурта OneRepublic у рамках тура ў падтрымку новага альбома «Native», які павінен быў адбыцца ў Менску 29 студзеня, пераносіцца. Пра гэта стала вядома з паведамлення арганізатараў мерапрыемства ў сацыяльных сетках, піша ultra-music.com.
- У сувязі са зменай графіка гастрольнага тура гурта OneRepublic, канцэрт у Менску, запланаваны на 29 студзеня, будзе перанесены на 5 лістапада 2014 года. Канцэрт адбудзецца ў Палацы спорту. Набытыя на 29 студзеня квіткі будуць сапраўдныя. Арганізатары - кампанія «Берын Арт Мэнэджмэнт» - прыносяць свае прабачэнні, - гаворыцца ў паведамленні.
Зварот квіткоў будзе ажыццяўляцца па адрасе г. Менск, вул. Сурганава, 48а, офіс 19. Квіткі на канцэрт OneRepublic з новай датай паступяць у продаж у бліжэйшы час.
Арганізатары паведамляюць, што кошты будуць перагледжаныя і змененыя.