Жыхары Палтавы занялі абласную адміністрацыю
15- 25.01.2014, 17:20
- 6,664
У будынку абласной адміністрацыі пачалося пасяджэнне Народнай рады.
Пра гэта паведаміў народны дэпутат «Удара» Сяргей Каплін, піша «Цензор.нет».
«Людзі зайшлі ў сесійную залу Палтаўскай ОГА і абласной Рады і праводзяць паседжанні Народнай рады.... Каля будынка Палтаўскай аблдзяржадміністрацыі сабраліся амаль 2 тыс грамадзян. Людзі будуюць барыкады», - адзначыў Каплін.
З ягоных слоў, перад будынкам ОГА знаходзяцца байцы «Беркута» і ўнутраных войскаў, а таксама вялікая колькасць сабак.
«Нам удалося сустрэцца са старшынём абласной Рады. Мы патрабавалі пусціць дэлегатаў Народнай рады для правядзення пасяджэння ў зале абласной Рады. Ён адмовіўся і прапанаваў правесці ў іншым горадзе. Пісаць заяву на звальненне ён таксама адмовіўся. Але нам удалося патрапіць унутр, і цяпер ужо ідзе паседжанне Народнай рады», - адзначыў Каплін.
Паводле стану на 25 студзеня аблдзяржадміністрацыі ўжо захопленыя ў васьмі рэгіёнах Украіны. Сярод іх: Львоўская, Тэрнопальская, Івана-Франкоўская, Ровенская, Чарнавіцкая, Валынская, Вінніцкая, Хмяльніцкая і Чарнігаўская вобласці.
Акрамя таго, у апошнія дні ОГА заблакаваныя ў Жытомірскай, Чаркаскай і Сумскай абласцях.