Віталь Портнікаў: Галоўна, каб потым прэм'ер-міністра не з'елі пад соусам кары

Вядомы журналіст успомніў, хто з аўтарытарных кіраўнікоў прызначаў апанента кіраўніком урада.

«Зімбабвійскі дыктатар Мугабэ таксама прапанаваў лідару апазіцыі пасаду прэм'ер-міністра. Галоўнае, каб потым прэм'ер-міністра не з'елі пад соусам кары», - напісаў у сваім акаўнце ў сацыяльнай сетцы «Фэйсбук» Віталь Портнікаў, які некалькі дзён таму быў вымушаны з'ехаць з Украіны праз пераслед.

Нагадаем, сёння адбылася трэцяя сустрэча паміж Віктарам Януковічам і лідарамі ўкраінскай апазіцыі. Кіраўніку фракцыі «Батькивщина» ў Вярхоўнай Радзе прэзідэнта Украіны прапанавалі пасаду прэм'ер-міністра краіны. Два раўнда перамоваў лідараў апазіцыі з Януковічам, якія адбыліся раней, выніку не далі. Пасля апошняй такой сустрэчы лідары апазіцыі са сцэны на Майдане заявілі аб выхадзе з перамоваў.