Леанід Краўчук: Украіна на мяжы грамадзянскай вайны (Відэа)
18- 30.01.2014, 10:06
- 2,965
У краіне фактычна склалася двоеўладдзе.
Учора ўвечары ўкраінскі парламент прыняў закон аб амністыі тых, хто быў затрыманы ў ходзе беспарадкаў за апошнія два месяцы. Аднак гэты закон уступіць у сілу толькі пасля таго, як іншыя пратэстоўцы вызваляць урадавыя будынкі, якія яны захапілі за апошнія некалькі дзён, перадае Sky News.
У Кіеве ствараецца адчуванне, што вы знаходзіцеся ў абстаноўцы сярэднявечнай аблогі, на вале Майдана, цэнтральнай плошчы горада. Антыўрадавыя дэманстранты занялі пазіцыі на барыкадах. Счарнелы снег і пакарабачаныя згарэлыя машыны адзначаюць мяжу паміж пратэстоўцамі і атрадамі спецназа. Цяпер ні адзін з бакоў не спрабуе перайсці ў наступ, перадае ИноТВ.
На самой плошчы пешыя байцы пратэстнага руху, узброеныя драўлянымі дубінкамі і металічнымі прутамі, маршам ідуць на свае пазіцыі. Гэта вельмі добра арганізаваная грамадзянская армія, настроеная стаяць да канца.
Тут можна ўбачыць людзей з усіх слаёў грамадства: моладзь і стары, беднякоў і заможных. Яны жывуць у намётавым мястэчку, акружаным сценамі з лёду і наглядальнымі пунктамі.
Першы прэзідэнт незалежнай Украіны Леанід Краўчук папярэдзіў парламент, што краіна знаходзіцца на парозе грамадзянскай вайны.
«Сітуацыя, будзем казаць адкрыта, драматычная. Увесь свет і Украіна прызнаюць, што дзяржава знаходзіцца на мяжы грамадзянскай вайны. У краіне двоеўладдзе. Акцыі пратэсту перараслі ў паўстанне.
Усе ад прэзідэнта Абамы да Еўразвяза, чыя дэлегацыя знаходзіцца ў Кіеве, спрабуюць падштурхнуць Украіну да палітычнага кампрамісу, але гэта аказваецца не так проста зрабіць», - сказаў ён.
Такім чынам, акупацыя самога цэнтра Кіева працягваецца. Падаграваемыя пякучым жаданнем змяніць палітычны курс Украіны, гэтыя людзі не звяртаюць увагу на мароз. Стаўкі не маглі б быць больш высокімі.