У Фастове знеслі помнік Леніну

Шасціметровая фігура павалілася, не разбіўшыся.

У горадзе Фастове Кіеўскай вобласці ў ноч на 30 студзеня невядомыя знеслі помнік Леніну. Манумент правадыру - 7-тонная сталёвая фігура вышынёй каля 6 метраў - высіўся ў скверы каля мясцовай адміністрацыі на вуліцы Саборнай (былая Леніна).

Як распавёў «Комсомольской правде в Украине» начальнік прэс-службы міліцыі Кіеўскай вобласці, паведамленне аб НЗ паступіла ў 6.30 раніцы.

- Невядомыя накінулі трос на шыю, прымацавалі яго да дрэва і з дапамогай лябёдкі павалілі фігуру, - распавёў Мікалай Жуковіч. - Зараз па факце зносу помніка ўзбуджаная крымінальная справа.

Па дадзеных выдання, помнік паваліўся, не разбіўшыся. Цяпер вырашаюць, куды яго транспартаваць.

Нагадаем, гэта далёка не першы выпадак зносу помнікаў Леніну ва Украіне за апошні час. Так, у пачатку снежня 2013 года манумент у Кіеве павалілі і разбурылі ўдзельнікі Еўрамайдана. Тады ж аналагічны выпадак адбыўся ў Катоўску Адэскай вобласці, дзе ад помніка Леніну адбілі верхнюю частку.