Сын Ладуцькі трапіўся п'яным за рулём?
101- 30.01.2014, 13:51
- 9,992
Відавочцы паведамляюць, што сын кіраўніка Менгарвыканкама стаў вінаватым у ДТЗ.
Пра гэта сайту charter97.org распавёў адзін з чытачоў. Ён таксама даслаў у рэдакцыю фотаздымак здарэння.
«Добры дзень. Сёння а 10 гадзін раніцы па менскім часе п'яны кіроўца ўрэзаўся ў ларок на Ракаўскім рынку. Як кажуць відавочцы, ён пачаў лаяцца з аховай. Як высветлілася, п'яны кіроўца іншамаркі з'яўляецца сынам начальніка Менгарвыканкама», - піша ён.
У ДАІ ГУУС Менгарвыканкама нам не змаглі паведаміць падрабязнасці здарэння, а таксама імя яго вінаватага.