Жыхары Магілёва пра медыцыну: Укол бясплатна зробяць, а за ўсё астатняе - плаці
33- 30.01.2014, 18:33
- 5,883
Бясплатная медыцына ў Беларусі даўно стала міфам.
Пра гэта кажуць жыхары Магілёва, піша БелаПАН. Вось што адказалі звычайныя людзі на пытанне «Ці даводзілася вам плаціць за паслугі ў паліклініцы або бальніцы?».
«Даводзіцца плаціць і так, і праз касу - па-рознаму. Прыём у лекара бясплатны, а аналізы і дадатковыя даследаванні - платныя».
«Не, не захавалася. Усё ў нас платна, не раз сутыкаліся з гэтым. Гэта, вядома ж, ненармальна, але без гэтага, напэўна, не абысціся. Напэўна, фінансаванне слабае ў медыцыне ў нас».
«Трэба за ўсё плаціць. Вось у нас лекара няма, так трэба ісці ў іншую паліклініку, а там усё платнае для нас. Гэта ненармальная з'ява. Ну добра, мы, пенсіянеры, падаходны падатак не плацім, але і з тых, хто працуе, бяруць. Куды ідуць грошы?»
«Не, не захавалася. За ўсё трэба плаціць. Калі ты хочаш якаснае абслугоўванне, то яно патрабуе грошай».
«Напэўна, няма. Мне адзінае, што укол зробяць бясплатна. А ўсё астатняе я купляю. Адзінае, што нам, пенсіянерам, раз у год даюць пяць бясплатных сеансаў масажу. Ну, я яшчэ даплочваю».
«Не, не даводзілася плаціць, хіба што за медагляды. Атрымліваецца, што не бясплатная. Паводле Канстытуцыі ж гарантавана бясплатнае медыцынскае абслугоўванне».
«Часткова ёсць бясплатная. Я - інвалід другой групы, так у мяне на нейкія лекі ёсць зніжкі, нейкія цалкам аплачваю. Ну, і іншыя працэдуры».
«У дзяржаўных медустановах вялікія чэргі, таму зрабіць нешта бясплатна вельмі праблематычна. У маёй маці праз два месяцы аперацыя, і ўсё распісана на два месяцы наперад, каб зрабіць УГД, - у дзяржаўных і нават у прыватных установах».
«Думаю, што не захавалася. У раённых паліклініках, па прапісцы ўсё бясплатна, але калі ехаць у абласную якую, то трэба плаціць».
«Даводзіцца. Прышчэпкі дзецям. Я б сказаў - дзесьці пяцьдзесят на пяцьдзесят. Мяркую, што павінна быць калі платна, то ўсюды платна, калі бясплатна, то бясплатна. Мы ж за нешта падаткі плацім».
«За нешта плацім. Я вось сама толькі што заплаціла за аналіз крыві. Але мяне гэта не хвалюе, не ўсё ж на халяву».
«Той узровень, які я атрымліваю, бясплатнай медыцыны мяне абсалютна не задавальняе, таму я звяртаюся перыядычна ў прыватныя клінікі. Бліжэйшым часам нічога не зменіцца, і будзе чорт ведае, што».
Нагадаем, учора віцэ-прэм'ер урада Беларусі Анатоль Тозік заявіў, што беларусы павінны плаціць за паходы ў паліклініку. Раней аб магчымасці ўвядзення платнай медыцыны заяўляў Лукашэнка. Дыктатар мяркуе, што «беларусы не шануюць сваё здароўе праз бясплатную медыцыну».