У Бабруйску машына пратараніла сцяну кафэ

Здарэнне адбылося сёння ў гадзіну ночы.

8 студзеня ў гадзіну ночы ў МНС паступіла паведамленне аб ДТЗ у Бабруйску з пацярпелым, заблакаваным у аўтамабілі па адрасе вуліца Рагачоўская, 39, паведамляе прэс-служба ведамства.

Пасля прыбыцця да месца выкліку было ўстаноўлена, што кіроўца аўтамабіля «Нісан- Сані» не справіўся з кіраваннем і ўрэзаўся ў сцяну прыдарожнага кафэ «Камелія». За рулём аўтамабіля знаходзіўся заблакаваны кіроўца.

Работнікамі МНС з дапамогай гідраўлічнага аварыйна-выратавальнага абсталявання быў дэблакаваны кіроўца 1977 года нараджэння, які з траўмамі рознай ступені цяжкасці брыгадай хуткай медыцынскай дапамогі шпіталізаваны ва ўстанову аховы здароўя «Бабруйская цэнтральная бальніца».

Абставіны ДТЗ устанаўліваюць супрацоўнікі ДАІ Бабруйскага УУС.