Аўтамабіль ДАІ ў Жлобіне пратараніў легкавік
37- 23.10.2014, 18:51
- 28,715
ДТЗ, якое здарылася сёння ў Жлобіне, трапіла на відэа.
«Стаяла на тым жа скрыжаванні, - напісала гаспадыня рэгістратара, выклаўшы запіс у супольнасці «Тыповы Жлобін». - Маячкі не былі ўключаны, хуткасць не менш 70. У пацярпелай машыне ехала жанчына з маленькім дзіцем, усе жывыя». Паводле іншай інфармацыі маячкі працавалі, піша onliner.by.
Пасля сутыкнення з аўтамабіля ДАІ выйшлі двое міліцыянтаў, падышлі да жанчыны, якая была за рулём пацярпелай машыны. Пра гэта распавяла сведка аварыі. «Там яшчэ дзяўчынка плакала гадоў пяці, мама яе ў садок везла. А да гэтага старэйшага каля школы высадзіла. Але нібыта рукі-ногі цэлыя. Я пакінула ім свой тэлефон, перадала відэа», - сказала яна.
У Дзяржаўтаінспекцыі вобласці пацвердзілі, што сёння каля 8:00 службовы аўтамабіль пераследваў парушальніка і трапіў у ДТЗ.