Сямён Сяменчанка: Украіну чакае новы віток вайны з РФ
18- 27.10.2014, 9:12
- 25,395
Украіну чакае новая хваля супрацьстаяння з Расеяй.
Пра гэта заявіў камандзір батальёна спецыяльнага прызначэння «Данбас», сябра партыі «Объединения «Самопомощь» Сямён Сяменчанка ў жывым эфіры праекта «Ноч выбараў», падрыхтаванага каналам «Украина» сумесна з «Савик Шустер Студия», піша «Остров».
«Абсалютна зразумела, што Расеі не патрэбны Данбас. Расеі не патрэбна моцная Украіна, якая абрала свой, еўрапейскі шлях развіцця, Украіна, у якой чалавек можа дамагчыся поспеху дзякуючы сваім талентам і здольнасцям, а не роднасным сувязям з чыноўнікамі. Наяўнасць такой краіны для расейскай палітычнай сістэмы - гэта прысуд. Прычым, не толькі для Пуціна, але і для ягоных паслядоўнікаў», - заявіў Сяменчанка.
Ён мяркуе, што Расея цяпер не нападае з аднае простае прычыны: яна мяркуе, што можа перамагчы палітычна.
«Як толькі гэтая магчымасць закрыецца, пачнецца новы этап вайсковай агрэсіі», - сказаў Сяменчанка.