«Баранавічыдрэў» перадаюць прыватнаму інвестару

Падрыхтаваны праект указа Лукашэнкі аб адчужэнні ААТ «Баранавічыдрэў» прыватнаму інвестару.

Раней прадпрыемства спецыялізавалася на вытворчасці сталярных і габлявана-паганажных вырабаў для будаўнічай галіны. Аднак цяпер выпуск прадукцыі на прадпрыемстве спынены, яно знаходзіцца ў стадыі санацыі, піша БелаПАН.

Cа слоў прэм'ер-міністра Міхаіла Мясніковіча, інвестар досыць актыўна тут працуе, вядзе мантаж сучаснага абсталявання для вытворчасці экспартна арыентаванай прадукцыі, у тым ліку зборных шчытавых хатак, мэблевых фасадаў. Адгрузка на экспарт прадпрыемствам ужо вядзецца. Мясніковіч адзначыў, што пасля «гэта будзе дастаткова канкурэнтаздольнае прадпрыемства, якое будзе рабіць годны ўклад у развіццё эканомікі рэгіёну».