Экстрэмалы зладзілі ў Гародні «забег на выжыванне»

Экстрэмальныя спаборніцтвы Mad Race прайшлі з удзелам сямідзесяці чалавек.

Першы забег падвышанай складанасці Mad Race ў Гародні планаваўся на жнівень, аднак узгадненне з уладамі заняло больш часу, чым чакалася.

Удзельнікаў павінна было быць больш, аднак з прычыны дрэннага надвор'я ў суботу пяць кіламетраў скрозь агонь, бруд і ваду пераадолелі толькі 70 удзельнікаў замест 170. Фотаздымкі даслаў у рэдакцыю charter97.org чытач, адзін з арганізатараў Зураб Качашвілі.

Наступны Mad Race пройдзе ў Менску ў красавіку.