Памерла віцэ-спікер Дзярждумы Расеі Швецава
27- 29.10.2014, 10:41
- 25,826
Людміла Швецава таксама займала пасаду намесніка старшыні партыі «Адзіная Расея».
Віцэ-спікер Дзяржаўнай думы Расеі і намеснік старшыні фракцыі партыі «Адзіная Расея» Людміла Швецава памерла ва ўзросце 65 гадоў, паведамляе «BBC Україна».
Як адзначае выданне, інфармацыю пацвердзілі ў апараце Дзярждумы РФ. Паведамляецца, што Швецава, як мяркуецца, ужо даўно хварэла.
Людміла Швецава ўпершыню была выбрана ў Дзяржаўную думу РФ у 2011 годзе ад маскоўскай арганізацыі кіруючай партыі «Адзіная Расія» і працавала ў камітэце сацыяльнай палітыкі.
Да гэтага яна больш за дзесяць гадоў працавала на пасадзе віцэ-мэра Масквы ў пытаннях сацпалітыкі.
Фота: ТАСС