Ада Рагаўцова: «Кабзон выканаў гімн Наваросіі? Тваю маць...»

У Іосіфа Кабзона не засталося ў душы нічога ўкраінскага.

Пра гэта заявіла выданню «Гордан» народная артыстка Украіны Ада Рагаўцова, каментуючы гастролі Іосіфа Кабзона па Данбасу.

Ураджэнец Данецкай вобласці, народны артыст СССР і дэпутат Дзяржаўнай Думы Расеі Іосіф Кабзон прыехаў з канцэртамі на Данбас, дзе праспяваў «гімн Наваросіі». У канцы выступу Кабзон запрасіў на сцэну прэм'ера «ДНР» Аляксандра Захарчанку, разам з якім выканаў песню «Я люблю цябе, жыццё!». У адказ лідэр самаабвешчанай рэспублікі прызначыў артыста «ганаровым консулам «ДНР» у Расеі.

Народная артыстка СССР і Украіны Ада Роговцева пракаментавала візіт Кабзона на ўсход Украіны.

- Кабзон даўно адарваўся ад усяго. Ён так даўно займаецца палітыкай, што палітыка круціць яго туды-сюды. Ён вельмі прарасейскі ўкраінец, у яго ўсё з Расеяй звязана. Кожная клетачка ягонай творчасці, жыцця і ўсяго на свеце звязаная з Расеяй.

У Кабзона не засталося ў душы нічога ўкраінскага. Тое, што ён прыехаў у Данецк і ў «ЛНР», так ён жа прыехаў да людзей. Вядома, яго не трэба пускаць, але вось у людзей, напэўна, была хоць нейкая аддушына. Чорт яго ведае! На гэтае пытанне я не ведаю адказу. Чаму ён прыехаў, я ведаю. Ён прыехаў да людзей спяваць.

Парыў у яго добры. Ён паехаў да людзей спяваць. Але ён выканаў гімн Наваросіі ?! Тваю маць! Я не хачу пра гэта ні чуць, ні гаварыць. Таму што, акрамя «Тваю маць», нічога і не скажаш!