Цімашэнка згодная ўвайсці ў кааліцыю
1- 29.10.2014, 16:44
- 6,741
Сёння Блок Пятра Парашэнкі і Народны фронт прапанавалі стварыць кааліцыю ўсім дэмакратычным сілам.
Лідар Бацькаўшчына Юлія Цімашэнка прымае прапанову аб удзеле яе палітычнай сілы ў кааліцыі ў Вярхоўнай Радзе. Пра гэта яна заявіла на прэс-канферэнцыі, паведамляе карэспандэнт ЛІГАБізнэсІнфарм.
«Бацькаўшчына гатовая да ўдзелу ў кааліцыі дэмакратычных сілаў у новаабранай Вярхоўнай Радзе. Наша пазіцыя - кааліцыя патрэбна хутка і павінна фармавацца на выразных прынцыпах і павінна аб'ядноўваць усе пяць дэмакратычных партый, абраных у парламент. Новы ўрад павінен фармавацца на аснове прафесійнасці, а не партыйных квот», - сказала Цімашэнка.
Яна мяркуе, што на аснове гэтых кааліцыйных прапаноў трэба стварыць агульнае кааліцыйнае пагадненне, якое будзе ўлічваць усе прапановы ўсіх удзельнікаў кааліцыі.
Нагадаем, сёння Блок Пятра Парашэнкі і Народны фронт апублікавалі свае праекты кааліцыйных пагадненняў, а таксама прапанавалі Бацькаўшчыне, «Самопомочи» і Радыкальнай партыі сфармаваць кааліцыю.
Фота: Getty Images