Брытанскія ВПС паднятыя для перахопу расейскіх бамбавікоў

Знішчальнікі Typhoon Каралеўскіх ВПС Вялікабрытаніі былі паднятыя праз трывогу на перахоп некалькіх расейскіх бамбавікоў Ту-95.

Пра гэта паведамляе ў суботу брытанскі тэлеканал "Скай-ньюс", піша "Інтэрфакс-Украіна".

Знішчальнікі вылецелі з базы брытанскіх ВПС у горадзе Лосімут (Шатландыя), каб суправадзіць расейскія ваенныя самалёты, якія знаходзіліся ў міжнародным паветранай прасторы недалёка ад межаў Вялікабрытаніі, гаворыцца ў паведамленні.

Раней аб'яднанае камандаванне НАТА праінфармавала, што сілы альянсу прасачылі за некалькімі групамі расейскіх ваенных самалётаў 28-29 кастрычніка ў міжнароднай паветранай прасторы над Балтыйскім, Паўночным, Чорным марамі, а таксама над Атлантычным акіянам.

Напярэдадні НАТА паведаміла, што два расейскіх стратэгічных бамбавікі Ту-95 праляцелі на захад ад Вялікабрытаніі да Партугаліі. У палёце іх суправаджалі нарвежскія, брытанскія і партугальскія знішчальнікі.