У таксістаў-нелегалаў забіраюць машыны

Дзесяць аўтамабіляў таксістаў-нелегалаў арыштавана ў Віцебскай вобласці за студзень-кастрычнік.

У Віцебскай вобласці за студзень-кастрычнік падчас правядзення праверак выяўленыя і спыненыя парушэнні ў сферы надавання паслуг перавозкі пасажыраў, накладзены арышт на 10 транспартных сродкаў на агульную суму Br635 млн, паводле вынікаў разгляду адміністрацыйных матэрыялаў у эканамічным судзе канфіскаваныя 3 транспартныя сродкі на суму Br135 млн, паведамілі БелТА ў прэс-цэнтры інспекцыі МПЗ Беларусі Віцебскай вобласці.

За 10 месяцаў 2014 інспекцыямі вобласці праведзена 85 аператыўных праверак у сферы надавання паслуг перавозкі пасажыраў. Паводле вынікаў праведзеных мерапрыемстваў устаноўлена 54 парушэнні, да адміністрацыйнай адказнасці прыцягнутыя 32 парушальнікі, сума адміністрацыйных штрафаў склала Br75 млн.

За гэты перыяд 2014 выяўленыя 55 фізічныя асобы, якія вядуць перавозку пасажыраў без дзяржаўнай рэгістрацыі, да адміністрацыйнай адказнасці прыцягнутыя 7 парушальнікаў.