На расейскага дэпутата Мілонава напалі ў цэнтры Пецярбурга

На дэпутата заканадаўчага сходу Санкт-Пецярбурга Віталя Мілонава напалі ў цэнтры горада.

Як паведамляе «Фонтанка.ру», у завулку Антоненкі да Мілонава і яго памочніка падышоў малады чалавек, зняў куртку і са словамі «Цяпер я вас буду пазбаўляць здароўя», пачаў душыць дэпутата. На дапамогу падаспеў нарад, які патрулюе Ісакіеўскую плошчу.

«Так, малады чалавек паспрабаваў вырабіць пэўныя дзеянні ў мой бок, але гнуткае цела было перахоплена сталёвай рукой», - сказаў Мілонаў.

Са слоў Мілонава, пагрозу ён рэальна не ўспрымаў: «Нас было трое мужыкоў не шчуплай камплекцыі, а ён худзенькі. Маглі і па лбе яму даць, але гэта было б няправільна. Мне здаецца, яго душэўны стан не ў поўным парадку».

Паводле звестак паліцыі, 20-гадовы малады чалавек дастаўлены ў аддзяленне. Складзены пратакол аб адміністрацыйным правапарушэнні паводле артыкула «дробнае хуліганства».