Грамадзянін Літвы збіраў для КДБ інфармацыю аб вайсковай авіяцыі

На выключана, што КДБ Беларусі перадаваў яе расейскім спецслужбам.

10 лістапада ў Генпракуратуры Літвы адбылася прэс-канферэнцыя, прысвечаная падазраванаму ў шпіянажы на карысць іншай краіны грамадзяніну Літвы. Распавесці аб рэзананснай падзеі прыехаў генеральны дырэктар Дэпартамента дзяржбяспекі Літвы (ДГБ) Гедымін Грына і намеснік генпракурора Дарус Раўлушайціс, паведамляе ru.DELFI.lt.

Да прэс-канферэнцыі СМІ ведалі толькі, што пад час буйной контрвыведніцкай аперацыі быў затрыманы грамадзянін Літвы Р.Л. Некалькі больш інфармацыі падалі кіраўнікі пракуратуры і ДДБ.

"Абвінавачванні ў шпіянажы былі выстаўленыя грамадзяніну Літвы, якога абвінавачваюць у шпіянажы на карысць Беларусі, з задання беларускіх спецслужбаў", - сказаў Раўлушайціс.

З ягоных слоў, вядзецца яшчэ адно падобнае расследаванне. Улады Літвы спадзяюцца, што і другая справа неўзабаве апынецца ў судзе. Са слоў Раўлушайціса, падазраваныя ў шпіянажы затрыманыя.

Кіраўнік ДДБ Гедымін Грына сказаў журналістам, што аперацыя доўжылася тры гады, а можа і больш. "Гэта была досыць складаная аперацыя. Выведнікам прыйшлося праявіць мудрасць падчас гэтай аперацыі", - сказаў ён.

Начальнік Літоўскага бюро крымінальнай паліцыі Раландас Кішкіс заявіў, што сабрана дастаткова "звестак" для доказу факту шпіянажу.

Працаваў у кампаніі, звязанай з кіраваннем палётамі

Раўлушайціс канкрэтна назваў, што затрыманыя двое падазраваных у шпіянажы. І ўсё ж было названа месца працы аднаго з іх. "Гэты чалавек працаваў у адной з кампаній, звязаных з кіраваннем палётамі", - сказаў ён.

Са слоў Раўлушайціса, Р.Л. быў затрыманы прыкладна год таму, ён жыхар Вільні. Не раскрываюць, ці спрабаваў чалавек, які працаваў у сектары авіяцыі, атрымаць доступ да звестак аб сілах NАТО.

Са слоў Кішкіса, шпіёнаў цікавіла інфармацыя як пра грамадзянскую, так і пра вайсковую авіяцыю. Якую шкоду ён мог нанесці, пракуроры, паліцыя і ДДБ не называюць. "Мы не можам расказаць, што мы ведаем", - дадаў Грына.

Пакуль не называюць, на карысць якой краіны шпіёніў другі затрыманы. Кіраўнік ДДБ Грына пацвердзіў, што працавалі і з вайскоўцамі - з вайсковай контрвыведкай.

Магла карыстацца і Расея

Кіраўнік ДДБ Грына не хаваў, што гэтай інфармацыяй магла карыстацца і Расея, паколькі ў кантэксце разведкі "Беларусь і Расея - краіны-хаўруснікі".

Намеснік генпракурора Раўлушайціс таксама пацвердзіў гэтую здагадку. "Верагодна, інфармацыяй, якая ёсць у беларускіх спецслужбаў, абменьваюцца з расейскімі службамі", - сказаў ён.

Аб другім падазраваным больш інфармацыі не даюць. І ўсё ж сцвярджаюць, што ў яго дачыненні расследаванне будзе завершана на працягу некалькіх тыдняў, у горшым выпадку, на працягу некалькіх месяцаў. "Абодва яны грамадзяне Літвы", - сказаў Раўлушайціс.

"Гэты інцыдэнт паказвае, што функцыі, якія выконваюць службы бяспекі краіны, вельмі важныя, калі ў рэгіёне ўзмацнілася пагроза бяспекі. Падчас судовага працэсу высветляцца далейшыя факты, мы павінны даць суду магчымасць выканаць свае абавязацельствы", - перадала каментар прэм'ера Альгірдаса Буткявічуса яго прэс-сакратарка Эвеліна Буткутэ-Лаздаўскене.

Чаму гэта першая справа такога тыпу

ДДБ паведамляе, што гэта першая такая справа, якая перададзена ў суд пасля таго, як у дзеянне 1 студзеня 2013 года ўвайшоў закон аб разведцы.

Былы кіраўнік парламенцкага Камітэта нацбяспекі і абароны (ПКНБО) Арвідас Анушаўскас сказаў, што ў паведамленнях падкрэсліваецца, што гэта першае такога роду справа, паколькі перш ДДБ сам курыраваў расследаванне, таму падчас расследавання дэталі часта аддаваліся агалосцы, што перашкаджала рабоце ДДБ.

"Можна ўспомніць сумны выпадак Эгле Кусайтэ. Усё так праходзіла, аднак ДДБ раскрываў свае метады, работнікаў і іншае - што і адбылося. Цяпер узаконеная заходняя мадэль - расследаваннем займаецца іншае ведамства, а ДДБ толькі збірае выведвальную і контрвыведвальную інфармацыю. Калі інфармацыя аб шпіянажы надзейная, то гэтыя весткі перадаюць Генпракуратуры і крымінальнай паліцыі, якія завяршаюць працэс", - распавяла Анушаўскас.