Стаўку ПДВ пакуль павышаць не будуць

Стаўка падатку на даданую вартасць у Беларусі ў 2015 годзе павышацца не будзе.

Пра гэта на сустрэчы дэпутатаў з прэм'ер-міністрам, а таксама кіраўніцтвам міністэрстваў эканомікі і фінансаў, прадстаўнікамі Нацыянальнага банка Беларусі заявіў сёння прэм'ер-міністр Міхаіл Мясніковіч, паведамляе БелТА.

"У дакументах, пададзеных дыктатару і ў парламент, прапаноў у росце стаўкі ПДВ няма, паколькі не дасягнутая ўзгодненая пастанова", - сказаў кіраўнік урада.

Пры гэтым ён адзначыў, што калі б такая пастанова была прынятая, то павелічэнне стаўкі падатку на даданую вартасць станоўча паўплывала б на стан плацежнага балансу краіны і спрыяла б абароне ўнутранага рынку ад імпарту, забяспечваючы дадатковую падтрымку экспарцёраў. Спажыванне імпарту знізілася б праз рост яго кошту, экспарт пры гэтым не пацярпеў бы. Не паўплывала б прыняцце гэтай пастановы, са слоў Міхаіла Мясніковіча, і на кошт сацыяльна значных тавараў і паслуг.

Адначасова з павышэннем ПДВ прапаноўвалася зніжэнне падатку на прыбытак з 18% да 15%. Сумарны эфект для экспарцёраў агулам быў бы станоўчы, канстатаваў прэм'ер. "Асноўную трывогу ў прамыслоўцаў выклікала патрэбнасць дадатковых абаротных сродкаў, асабліва на пачатковым этапе пераходу на павышаную стаўку ПДВ", - сказаў Міхаіл Мясніковіч, адзначыўшы пры гэтым, што яна магла б быць мінімізаваная паскарэннем тэрміну вяртання падатку. Гэтыя механізмы былі адпрацаваныя з Мінфінам.