Навукоўцы знайшлі вірус глупства
25- 10.11.2014, 18:57
- 18,984
Мікраарганізмы ўнутры нас могуць аказваць уплыў на нашае ўспрыманне і паводзіны.
Вірус, які робіць людзей дурнымі і зніжае разумовыя здольнасці, выявілі навукоўцы з ЗША, паведамляе БелТА са спасылкай на брытанскае выданне The Independent.
Выявілі новы вірус спецыялісты з Медыцынскай школы Джона Хопкінса пры Універсітэце Небраска. Паводле іх слоў, раней яго ніколі не знаходзілі ў арганізме здаровых людзей.
Адкрыць вірус глупства дапамагло звычайнае даследаванне мікробаў у чалавечым горле.
Даследнікі правялі тэст сярод 90 чалавек. Тыя падыспытныя, у каго быў знойдзены вірус (а гэта 40 удзельнікаў эксперыменту), паказалі не самыя станоўчыя вынікі. Так, яны адчувалі праблемы з хуткасцю выканання задач і дакладнасцю зрокавага ўспрымання. Акрамя таго, узровень іх увагі быў паніжаны.
На думку экспертаў, гэта адкрыццё проста ашаламляе, бо атрымліваецца, што мікраарганізмы ўнутры нас могуць аказваць уплыў на нашае ўспрыманне і паводзіны.