Міг-29 пацярпеў катастрофу ў Берасцейскай вобласці

Лётчык катапультаваўся.

Пра гэта ў «Фэйсбуку» паведамляе прадстаўніца СК Юлія Ганчарова.

«Следчая група ГСУ выбыла на месца катастрофы самалёта ў Берасцейскай вобласці. Для каардынацыі працы на месца здарэння выбыў таксама першы намеснік Старшыні Следчага камітэта Аляксей Волкаў. Праца праводзіцца ў шчыльным кантакце з Міністэрствам абароны Рэспублікі Беларусь. Аб ходзе работы будзем дынамічна інфармаваць», - паведаміла яна.

У Мінабароны charter97.org паведамілі, што катастрофу пацярпеў самалёт Міг-29.

«11 лістапада каля 13.30 пры правядзенні планавых палётаў у выніку няштатнай сітуацыі адбылася аварыя самалёта Міг-29 61-й знішчальнай авіяцыйнай базы ВПС і войскаў СПА. Лётчык катапультаваўся. У выніку падзення самалёта пацярпелых і разбурэнняў няма. Пілот, выяўлены сіламі пошукава-выратавальнай каманды, не пацярпеў. Прызначаная камісія вайсковага ведамства для высвятлення прычын таго, што здарылася», - адзначылі там.

Як распавёў charter97.org чытач, авіякатастрофа адбылася ў паўкіламетра ад вёскі Літва Ляхавіцкага раёна.

Нагадаем, што 30 верасня ў Лідскім раёне пацярпеў катастрофу самалёт Су-25. Падчас правядзення планавых палётаў самалёт 116-й штурмавой авіяцыйнай базы вайскова-паветраных сілаў і войскаў супрацьпаветранай абароны ў выніку пазаштатнай сітуацыі страціў кіраванне. Лётчык катапультаваўся. На зямлі пацярпелых і разбурэнняў таксама не было - штурмавік зваліўся ў бязлюднай мясцовасці.

Фота: sk.gov.by