The New York Times: Абама аддае Украіну Пуціну

Прэзідэнт ЗША заплюшчвае вочы на нарастальную масу расейскіх войскаў пад украінскай мяжой.

Пра гэта піша ў сваёй калонцы для выдання The New York Times Роджэр Коэн, палітычны аглядальнік і міжнародны журналіст, паведамляе Цензор.нет.

"Я не сцвярджаю, што існуе афіцыйны "абмен Ірана на Украіну" паміж прэзідэнтамі Абамам і Пуціным, - піша аўтар. - Я толькі мяркую, што расейскі лідэр бачыць усе амерыканскія слабасці і тонка адчувае час. Напал баёў на ўсходзе Украіны і імклівая ахвота Расеі дапамагчы ў іранскім пытанні да гранічнай даты для перамоў 24 лістапада - гэта не проста супадзенне. Гэта частка расейскай стратэгіі, і на гэты момант ЗША на яе бяруцца".

Як тлумачыць Коэн, іранская ядзерная ўгода добрая для Амерыкі, Ірана і ўсяго свету. Прэзідэнт Абама разумее яе важнасць. Калі будзе дамоўленасць, іранскі ядзерны патэнцыял змесцяць у невялікую і надзейную скрыню, якая гарантуе, што іранская бомба ніколі не надарыцца, а яшчэ адну эканоміку з ростам увальюць у глабальную. Гэта зменіць палітыку блакавання на Усходзе і дадасць канструктыву ў стасункі паміж краінамі. Такая дамоўленасць, фактычна, з'яўляецца астатняй надзеяй прэзідэнта Абамы пакінуць след на Блізкім Усходзе. І вядома, што ён гэтага хоча.

Але не агучаны кошт гэтай угоды - страта Украіны, піша аўтар. "Пуцін ужо анэксаваў Крым, нягледзячы на дамову 1994 года аб павазе незалежнасці і меж Украіны. Ёсць усе падставы верыць, што ён жадае займець усю Украіну. І памылкай Захаду было верыць, што Пуцін не сур'ёзна хоча адбудаваць Савецкі Саюз у новай форме".

"Рэчаіснасць небяспечная, - прагназуе Коэн. - Чвэрць стагоддзя пасля падзення Берлінскага муру, пакуль балонікі ўзнімаюцца ў неба ў сталіцы Нямеччыны, іншая нацыя з 45 мільёнаў людзей, якія хочуць атрымліваць асалоду ад пладоў еўрапейскай свабоды, застаецца кінутай на разарванне Расеяй. Калі мы страцім Украіну, абяцанні Амэрыкі хаўруснікам NATO ў Балтыі і Усходняй Еўропе не будуць мець ніякай значнасці".